बहादुर सिंह लामाद्वारा बागमतीको मुख्यमन्त्रीमा दाबी पेस
बागमती प्रदेश प्रमुख कार्यालयको सभाहलमा बागमती प्रदेश सरकारको मुख्यमन्त्री को दावीको लागी नेपाली काङ्ग्रेस बागमती प्रदेश संसदिय दलको नेता बहादुर सिंह लामाले दावी पेस गरेका छन् । मंगलबार प्रदेश प्रमुख कार्यालय हेटौंडामा एमाले र कांग्रेसका ६४ संसदको समर्थनमा लामाले मुख्यमन्त्रीमा दावी पेश गरेका हुन् ।
नेकपा एमाले बागमती प्रदेश संसदिय दलको नेता जगन्नाथ थपलिया , नेपाली काङ्ग्रेस बागमती प्रदेश उपनेता रामकृष्ण चित्रकार , नेकपा एमाले बागमती प्रदेश सभासद एकलाल श्रेष्ठ , नेपाली काङ्ग्रेस बागमती प्रदेश सदस्य इन्द्र बहादुर बानियाँ , बागमती प्रदेशको अन्य सभासदहरु , पत्रकारहरु लगायत करिव ४०-४५ जनाको उपस्थिति रहेकोमा नेपाली काङ्ग्रेस बागमती प्रदेश संसदिय दलको नेता बहादुर सिंह लामा ले नेपाली काङ्ग्रेसको ३७ र नेकपा एमालेको २७ गरि जम्मा ६४ जनाको हस्ताक्षर सहित प्रदेश प्रमुख यादव चन्द्र शर्मा समक्ष बागमती प्रदेश मुख्यमन्त्रीको लागी दावी पेस गरिएको हो ।
मुख्य समाचार थप
