बिद्यार्थीहरुलाई निशुल्क लेखापालन तालिम
हेटौंडा । ०६ जेष्ठ/नेकपा (माओवादी केन्द्र) निकट बिद्यार्थी संगठन अखिल (क्रान्तिकारी) मकवानपुर बहुमुखी क्याम्पस कमिटीको आयोजनामा निशुल्क लेखापालन तालिमको शुभारम्भ गरेको छ ।
अखिल (क्रान्तिकारी) मकवानपुर बहुमुखी क्याम्पस कमिटी अध्यक्ष अभ्युदय खनालको अध्यक्षतामा भएको कार्यक्रममा मकवानपुर बहुमुखी क्याम्पसका क्यामपस प्रमुख डा. यम सिलवालको प्रमुख आतिथ्यता रहेको थियो ।
आईतबारदेखि १० दिनसम्म सञ्चालन हुने उक्त तालिमको प्रशिक्षण किशोर अर्यालले गर्नुहुनेछ ।
बिद्यार्थीहरुको शैद्धान्तिकसंगै प्रयोगात्मक अभ्यास क्षमताको विकासको लागि तालिम आयोजना गरिएको क्याम्पस कमिटी अध्यक्ष खनालले बताए ।
तालिममा ब्यवस्थापन संकाय अन्तगत स्नातक तहमा अध्ययनरत १२० भन्दा बढीको सहभागिता रहेको छ ।
मुख्य समाचार थप
