लागु औषध गाँजा सहित १ जना मानिस पक्राउ
१८ चैत/ सिन्धुलीको हरिहरपुरगढी गा.पा. वडा नं.०७ भुताहा शिर स्थितमा विषेश सुचनाको आधारमा ई.प्र.का.कपिलाकोट र प्रहरी चौकी क्यानेश्वोर सिम्धुलीबाट खटिएको सयुंक्त प्रहरी टोली गस्ती गर्दै जाने क्रममा लागु औषध गाँजा सहित १ जना मानिस पक्राउ गरेको बागमती प्रदेश प्रहरी कार्यालय थानाभर्याङ्ले जानकारी दिएको छ ।
शनिबार पुर्वबाट पश्चिम तर्फ अं.४/५ जना व्यक्तिहरुले नाम्लोमा पछाडी ढाडँमा वोकी ल्याउदै गरेको अवस्थामा ४ बोरामा ७७ के.जी.८० ग्राम लागुऔषध (गाँजा) सहित १ जना मानिस पक्राउ परेको हो ।
पक्राउ पर्नेमा जिल्ला सिन्धुली हरिहरपुरगढी गा.पा. वडा नं.०७ बस्ने अं. वर्ष २४ को विच बहादुर वाईवा रहेको प्रदेश प्रहरी कार्यालय थानाभर्याङ्ले जानकारी दिएको छ ।
उक्त लागुऔषध गाँजा सहित मानिस नियन्त्रणमा लिने क्रममा प्रहरी द्वारा ३०३ राईफल बाट ५ राउण्ड हवाइ फायर गरिएको, मानविय क्षती नभएको, अन्य व्यक्तिहरुको सम्बन्धमा खो.त कार्य भई रहेको । उक्त बरामद भएको लागु औषध गाँजा र मानिसलाई जिल्ला प्रहरी कार्यालयमा ल्याई आवश्यक अनुसन्धान भई रहेको छ ।
मुख्य समाचार थप
