९ किलो ८२० ग्राम लागू औषध अफिम सहित राक्सिराङ्का बिबेक पक्राउ
०९ चैत / मकवानपुर । ईलाका प्रहरी कार्यालय मनहरी मकवानपुरबाट खटिएको प्रहरी टोलीले जिल्ला मकवानपुर मनहरी गा.पा.वडा न.०७ पेन्चे बजार स्थित सडकबाट ९ किलो ८२० ग्राम लागू औषध अफिम सहित राक्सिराङ्का बिबेक पक्राउ परेको हो ।
राक्सिराङ् तर्फबाट पेन्चे बजार तर्फ आउँदै गरेको बा.प्र.०३-००५ प ३१०३ नं. प्लेट भएको १५० सि.सि.को पल्सर मो.सा. र बा.प्र. ०३-००३ प ९६४७ न.प्लेट भएको २२० सि.सि.को मो.सा.लाई रोकी चेकजाँच गर्दा ९ किलो ८२० ग्राम ला.औ.अफिम फेला पारी जिल्ला मकवानपुर राक्सिराङ गा.पा. वडा नं. ५ घर भई हाल ऐ. मनहरी गा.पा.वडा न.०७ बस्ने बर्ष २२ को बिवेक प्रजालाई नियन्त्रणमा लिएको ।
साथै बा.प्र. ०३-००३ प ९६४७ न.को मो.सा.मा सवार २ जना व्यक्तीहरु भागी फरार भएको हुंदा निजहरुको खोजतलास कार्य भईरहेको ।
नियन्त्रणमा लिईएको बिवेक प्रजालाई सम्मानित मकवानपुर जिल्ला अदालत हेटौडाबाट १० दिनको म्याद अनुमति लिई थप अनुसन्धान कार्य भई रहेको जिल्ला प्रहरी कार्यालय मकवानपुरले जानकारी दिएको ।
मुख्य समाचार थप
