गैरीगाउमा टिपरको ठक्करबाट एकजनाको मृत्यु
मकवानपुर । गैरीगाउमा टिपरको ठक्करबाट एकजनाको मृत्यु भएको जिल्ला प्रहरी कार्यालय मकवानपुरले जानकारी दिएको हो ।
जिल्ला मकवानपुर हेटौडा उ.म.न.पा.१७ गैरीगाउ स्थित कान्तिलोकपथ सडक खण्डमा चौघडा तर्फबाट गढी तर्फ जादै गरेको मधेश प्रदेश ०३-००१ख ७९०३ न.को टिपरले बिपरित दिशा बाट आउदै गरेको ना.२६प ४४२५ न.को मो.सा.लाई ठक्कर दिदा एकजनाको मृत्यु भएको छ ।
मृत्यु हुनेमा मो.सा.मा सवार पुरुष जिल्ला मकवानपुर मकवानपुरगढी गा.पा. २ खोलाखेत बस्ने बर्ष अं. २५ को हरी पनेरुको घटना स्थलमै मृत्यु भएको हो ।
निजको श्रीमती बर्ष अं. २२ की अर्चना ढकालको दुबै खुट्टा र टाउकोमा चोट लागी मध्यम घाईते भई स्थानिय मेडिकलमा सामान्य उपचार पश्चात हेटौडा अस्पतालमा थप उपचार भई रहेको ।
टिफर चालक जिल्ला मकवानपुर हेटौडा उ.म.न.पा. १९ नेवारपानी बस्ने बर्ष अं.३३ को राधाकृष्ण रेग्मी जि.प्र.का. मकवानपुरको नियन्त्रणमा रहेको जिल्ला प्रहरी कार्यालय मकवानपुरले जानकारी दिएको छ ।
मुख्य समाचार थप
