हेटौंडामा विद्यालय स्तरीय क्रीकेट प्रतियोगिता हुने
मकवानपुर । हेटौंडाको हुप्राचौरमा स्कुल स्तरीय क्रीकेट प्रतियोगिता हुने भएको छ । सोमबार हेटौंडाको रोडहाउस रेस्टुरेन्टमा पत्रकार सम्मेलन गर्दै मकवानपुर क्रीकेट संघले जानकारी दिएको हो ।
माघ २० गतेबाट ११ दिनसम्म हेटौंडा ०४ स्थित हुप्राचौरमा दोश्रो स्व. निरज श्रेष्ठ स्मृति बिद्यालय स्तरीय टी-२० क्रीकेट प्रतियोगिता २०८० संचालन गरिने । उक्त प्रतियोगितामा सामुदायिक र निजि गरि १६ बिधालय बिच प्रतिस्पर्धा गराइने छ । प्रतियोगिताको अनुमानित लागत ५ लाख ५० हजार रहेको र प्रतियोगिताको खर्च विभिन्न संघ संस्था, स्थानीय निकाय , खेल प्रेमी र टीम दर्ता शुल्कबाट संकलन गरिने भएको छ ।
प्रतियोगिताको प्रथम र द्वितिय हुने टिमलाई नगद सहित ट्रफि, मेडल र प्रमाण पत्र प्रदान गरिने बताइएको छ भने उत्कृष्ट व्याट्सम्यान, उत्कृष्ट बलर, म्यान अफ द सिरिजलाई नगद सहित ट्रफि र प्रमाण पत्र प्रदान गरिने बताइएको छ ।
प्रत्येक खेलको म्यान अफ द म्याच लाई ट्रफि र प्रमाण पत्र प्रदान गरिने र प्रतियोगितामा उत्कृष्ट प्रदर्शन गर्ने खेलाडीहरु छनौट गरि अण्डर १६ जिल्ला टिमको निर्माण गरि प्रशिक्षण गराउनेसमेत आयोजकले जनाएको छ ।
मुख्य समाचार थप
