१२ किलो ५०० ग्राम ला.औ.गांजा सहित हेटौडाका २ जना महिला पक्राउ
२३ चैत, हेटौडा । प्रहरी चौकी रातोमाटे, मकवानपुरबाट खटिएको प्रहरी टोलीले जिल्ला मकवानपुर हेटौडा उप-महानगरपालिका वडा नं.१५ रातोमाटे चेकपोष्ट स्थित सडकमा सवारी साधनहरु रोकी चेकजाँच गर्ने क्रममा १२ किलो ५०० ग्राम ला.औ.गांजा सहित हेटौडाका २ जना महिला पक्राउ गरेको छ ।
हेटौडाबाट काकडभित्ता तर्फ जादै गरेको ज१ख ३३३७ नं. को यात्रुबाहक बसमा सवार भई आएका जिल्ला मकवानपुर बकैया गाँउपालिका वडा नं. ४ मन्थली बस्ने बर्ष ३२ की चमेली माया घलान र ऐ.वडा नं. १० बस्ने बर्ष २५ की रोजीना घलान पक्राउ परेका हुन ।
निजहरुलाई शंका लागि निजहरुलाई उक्त बसबाट ओराली रितपुर्वक खानतलासी गर्दा निजहरुले बोकेको झोला भित्र लागू औषध गांजा १२ किलो ५०० ग्राम फेला परेको हुंदा उक्त लागू औषध सहित निजहरु चमेली माया घलान र रोजिना घलानलाई नियन्त्रणमा लिई सम्मानित मकवानपुर जिल्ला अदालत हेटौडाबाट १० दिनको म्याद अनुमती लिई थप अनुसन्धान कार्य भई रहेको जिल्ला प्रहरी कार्यालय मकवानपुरले जानकारि दिएको छ ।
मुख्य समाचार थप
